Бејл сакал целата кариера да ја помине во Реал

Герет Бејл сака да ја помине целата своја кариера во Реал Мадрид, и покрај враќањето на Зинедин Зидан како менаџер. Тоа е она што го тврди агентот на напаѓачот – Џонатан Барнет.

Според гласините од извори блиски до кујната на шпанскиот гигант, назначувањето на Французинот е „лоша вест“ за велшкиот репрезентативец, бидејќи Зизу „не сака да работи со Бејл“.

– Бејл е многу среќен токму сега, но ќе видиме што ќе се случи, рече агентот.

Запрашан дали неговиот клиент ќе остане во Реал Мадрид, Барнет одговорил: „Да, зошто да не? Тој сака да остане во текот на целата своја кариера во Реал Мадрид и ако не успее, ќе разговараме повторно. Бејл ќе разговара со г-дин Зидан, тогаш ќе видиме што ќе се случи до крајот на сезоната. Герет сака да игра на еден начин, а Зидан сака да игра на друг. Ова беше причина за несогласувањето и по некое време работите се влошија“.

Според агентот, Бејл има волја и не е загрижен што пишува во печатот.

– Во наредните години, оние што го критикуваат, нивните деца ќе ги гледаат неговите голови и ќе речат: „Каков одличен играч“, додаде Барнет.

Би можело да ве интересира

Трансферот на Погба зависи од заминувањето на Бејл од Реал Мадрид

Капитенот на Лион заминува во Бетис

Реал го нуди Бејл и 90 милиони евра за Нејмар, тврдат во Каталонија

Ана Ололовска

Кинески клуб подготвен да го „позлати“ Бејл

Гризман: Плачев кога дознав за трансферот во Барселона

Татјана Ташкова

Агентот на Бејл: Зидан е срам