Реал Мадрид и Тотенхем потврдија на своите интернет страници дека двата клуба постигнале договор за трансферот на Герет Бејл, кој ќе биде претставен официјално утре.
Пред тоа Бејл ќе ги помине медицинските прегледи, по што ќе позира со белиот дрес со кој ќе излезе на “Сантијаго Бернабеу”.
“Поминав 6 среќни години тука, но сега мислам дека е вистинскиот момент да се разделиме. Преживеав посебни моменти и уживав во секоја минута од својот престој во тимот”, рече Бејл.
“Сакам да се заблагодарам на сите во клубот – на претседателот, на одборот на директори, на тимот, тренерите, на соиграчите и најмногу на фантастичните навивачи, кои верувам дека ќе разберат дека тоа е единствена можност за мене”, додаде тој.