Герет Бејл имаше деби со погодок во дресот на Реал Мадрид. Тој одигра 60 минути на гостувањето против Виљареал и го постигна првиот погодок за „кралевите“ на овој меч, за израмнување на 1:1, но неговиот тим сепак не успеа да стигне до планираните три бода на „Ел Мадригал“.
Кристијано Роналдо во второто полувреме го постигна можеби и најсреќниот гол во својата кариера, откако по неговиот шут топката удри во нозете на двајцата домашни дефанзивци, потоа се одби од Португалецот, па крај немоќниот голман заврши во мрежата на Вилјареал.
„Жолтата подморница“ прикажа одлична игра против фаворитот и дефинитивно не заслужи пораз, а правдата беше задоволена кога Џовани дос Сантош на дваесет минути до крајот ги постави конечните 2>2.