Тимот на Барселона со неверојатна победа од 6-1 против ПСЖ успеа да избори пласман во четвртфиналето од Лигата на Шампионите, откако во првиот натпревар загуби со 4-0 во Париз.
Иако сите ги имаа отпишано, сепак фудбалерите на Барселона до самиот крај се надеваа и се бореа против сите статистики и историски резултати.
Стрелци на головите за Барселона беа Суарез, Меси, Нејмар кој постигна два гола и Роберто кој го даде голот за пласман во 95. минута. Голот за тимот на ПСЖ го постигна Кавани.
Во вториот вечерашен натпревар тимот на Борусија Дортмунд ја бркаше негативата од 1-0 од гостувањето во Португалија, но со убедливи 4-0 изборија пласман во четвртфиналето.
Обамејанг постигна хет-трик за тимот на Дортмунд, а на листата на стрелците му се приклучи и Пулишиќ.
Во четвртфиналето досега пласман имаат изборено Баерн Минхен, Реал Мадрид, ПСЖ и Борусија Дортмунд, а извлекувањето за дуелите од четвртфиналната фаза ќе биде на 17. март, по завршувањето и на преостанатите четири натпревари од оваа фаза.