Шпанскиот фудбалски шампион Барселона во рамките на азиската турнеја денеска во Куала Лумпур ја победи репрезентацијата на Малезија со 3:1.
Каталонците први дојдоа во водство со голот на Цеск Фабрегас по половина час игра. Тој искористи еден центаршут од Маскерано и со глава од десетина метри го совлада домашниот голман.
Малезија изедначи во 39.минута, а најзаслужен за големата радост на домашните фудбалери беше Јахјах Амри кој ефектно погоди од 18 метри.
Сепак фаворизираниот гостин успеа до крајот на првото полувреме да го врати водството. Неимар во 42.минута повторно и донесе предност на Барселона.
Конечниот резултат од 3:1 го постави Пике во 74.минута.