Фудбалската Лига на шампиони се ближи кон својата завршницата, а првиот финалист ќе биде познат по вечерашниот дуел во Минхен каде Баерн го пречекува Атлетико Мадрид.
Шпанскиот претставник на „Алијанц Арена“ ќе ја брани предноста од Мадрид од 1:0 остварена на првата средба од полуфиналната пресметка.
Баерн изминатите две сезони елитното натпреварување го заврши токму во полуфиналето, и во двата случаи беше сопрен од шпански клуб (Барселона и Реал Мадрид).
Германскиот шампион по 18. пат ќе игра во полуфиналната фаза, и ќе се бори за своето 11-то финале, додека Атлетико ќе се обиде по трет пат да игра натпревар за вредниот трофеј.
Почетокот на средбата во Минхен е во 20 часот и 45 минути.
Во истиот термин утре ќе се одигра реваншот од втората полуфинална пресметка во која Реал Мадрид и Манчестер Сити влегуваат без предност по 0:0 на дуелот во Англија.