Фудбалерите на Баерн Минхен се освојувачи на „Ауди Купот“ по пресврт-победата во финалето на нивната „Алијанц Арена“ против Манчестер Сити со 2:1.
Англискиот тим поведе во 60.минута преку Алваро Негредо. Пет минути подоцна Томас Милер од пенал изедначи на 1:1. Победата за бундеслигашот ја обезбеди Марио Манџукиќ во 73. минута.
Овој трофеј за Баерн Минхен предводен од новиот тренер Пеп Гвардиола ќе значи поголема самодоверба пред стартот на новата сезона во германското првенство закажан за 9 август.
Во натпревар за третото место на „Ауди Купот“ Милан го победи Сао Паоло со 1:0. Стрелец на голот беше Кевин-Принс Боатенг во 52. минута.