Ангеловски: Ја следиме состојбата на фудбалерите, дел од нив се чувствуваат подобро

Од:

Селекторот на македонската репрезентација Игор Ангеловски потврди дека осум фудбалери од утринските часови почнале да се жалат на стомачни мачнини.

За македонската репрезентација ова претставува дополнителен проблем пред утрешниот натпревар против Лихтенштајн од Лигата на нации, бидејќи поради вироза надвор од тренажен процес се Ѓоко Зајков, Аријан Адеми, Стефан Ристовски, Давид Митов Нилсон, Стефан Спировски, Мите Цикарски, Ферхан Хасани и Бобан Николов.

– Информација за вирусот е точна, а фудбалерите веднаш беа испратени на испитување. Станува збор за вирус. Нивната состојба се следи, а дел веќе се чувствуваат подобро и ќе видиме кој од нив ќе биде подготвен да помогне, истакна Ангеловски.

Селекторот на македонската репрезентација нагласи дека на натпреварот против Лихтенштајн ќе одат само на победа и нема да калкулираат.

– Фокусирани сме само на Лихтенштајн и нема да калкулираме со составот. Ги имаме сите потребни информации за противникот. Бевме со иста група со овој противник и претходно, но секој меч е различен. Лихтенштајн има поразличен тим отколку во квалификациите, одиграа добро на првите два меча, но играат колку што ќе им дозволи противникот. Се надевам дека моите момци нема да им дозволат да играат. Ќе го дадеме максимумот и ќе победиме, наведе Ангеловски.

Натпреварот меѓу Македонија и Лихтенштајн се игра утревечер од 20:45 часот на арената „Филип Втори“.

Би можело да ве интересира

Во БиХ: Загинаа двајца фудбалери во сообраќајна несреќа

(ВИДЕО) Фудбалерите на Модрича среде меч втрчаа на трибина и се тепаа со навивачите

Горан Наумовски

Фудбалерите имаат поголема веројатност да страдаат од невролошки проблеми по 65 години

Управниот одбор на ФФМ потврди: Игор Ангеловски ќе ја предводи Македонија на ЕУРО 2020

Катерина Ѓуровски

Ангеловски за грчкиот портал „Газета“: Станавме тим во вистинска смисла на зборот

Жарко Настоски

Ангеловски: Александар ни го оспоруваа, Горан Велики Македонски не можат