Македонија го исполни сонот. Горан Пандев, Игор Ангеловски и сите останати влетаа на пресот и запеаја. За Македонија!
Селекторот во транс, изјави….Горан Велики никој не може на Македонија да и го оспори.
„Благодарам за честитките, одат на адреса на моите фудбалери. И не само на овие што се тука. Едно момче вечерва лежи в кревет, тоа е Енис Барди. Не се со нас и Кире, Крсте и Буба, но и тие се дел од успехот. Македонија имавше еден херој кој го оспоруваа – Александар Велики. Но, Горан Велики никој не може да ни го оспори“, рече Ангеловски.
Експедицијата од Грузија се враќа доцна вечерва и веднаш ќе ја започне подготовката за натпреварот со Естонија в недела.