Андреа Пирло и официјално стана нов тренер на Јувентус. Италијанскиот фудбалски шампион вечерва потврди дека 41-годишниот поранешен фубалер на клубот потпиша договор со важност до 2022 година.
За Пирло, ова ќе биде прво искуство во тренерската кариера. Пред само неколку недели, тој беше назначен за главен тренер на младинскиот тим (до 23 години) на Јувентус.
Пирло е светски првак во 2006 година со италијанската репрезентација. Играше за Јувентус од 2011 до 2015 година. Како дел од тимот, тој стана четирикратен шампион на Италија, го освои Суперкупот двапати и националниот Куп еднаш.