Тренерот на Реал Мадрид Карло Анчелоти по поразот од Шалке изјави дека навивачите оправдано упатија свирежи до неговиот тим незадоволни од прикажаната игра.
– Ги заслуживме свирежите од публиката која очекуваше подобро наше издание. Не можам да објаснам зошто така игравме. На полувреме укажав на проблемите во одбраната, но во вториот дел беше уште полошо. Бевме под притисок во последните минути кога можеше се да се случи. Ја изгубивме самодовербата. Сепак и натаму верувам во овој тим. Мораме повеќе да работиме и да ја вратиме нашата препознатлива игра, рече Анчелоти.
Реал и покрај поразот од 4:3, успеа да го елиминира Шалке во осминафиналето од Лигата на шампионите поради победата на првиот дуел во Гелзенкирхен со 2:0.