Во пресрет на утрешниот дуел од Лигата на шампионите, тренерот на Пари-Сен Жермен, Карло Анчелоти изјави дека неговиот тим е подготвен за победа против Барселона.
– Работевме напорно и целосно сме подготвени да победиме на гостувањето кај Барселона. Моите фудбалери се максимално мотивирани, а јас се обидов да им ја подигнам самодовербата. Сите сме уверени дека можеме да направиме резултат кој досега не успеале да го направат повеќе екипи, а тоа е елиминирање на фаворизираниот противник, изјави Анчелоти.
Првиот натпревар одигран во Париз пред шест дена заврши нерешено 2:2, а за да се остварат желбите на Анчелоти, ПСЖ утре во реванш четвртфиналето против Барселона треба да победи или да одигра нерешено со повеќе од два постигнати голови.