Италијанскиот фудбалски стручњак Карло Анчелоти од денеска и официјално е поставен за нов тренер на Реал Мадрид.
„Кралскиот клуб“ преку својата веб страна ги потврди информациите од последниве неколку дена дека Анчелоти ќе биде наследникот на Жозе Мурињо.
Италијанецот потпиша договор со Реал до јуни 2016 година. Неговата промоција на „Сантијаго Бернабеу“ е најавена за утре.
54-годишниот трофеен тренер во Мадрид доаѓа од ПСЖ со кого во Франција ја освои шампионската титула, а има работено во европски великани како што се Челзи, Милан, Јувентус.
На местото на Анчелоти денеска ПСЖ го официјализираше поставувањето на новиот тренер Лоран Блан.