Тренерот на Реал Мадрид, Карло Анчелоти, ја одбил понудата на Манчестер Јунајтед, пренесува Ел Мундо Депортиво. Според истиот извор, Манчестер Јунајтед на италијанскиот стратег бил подготвен да му исплаќа годишно по 18 милиони евра, пренесе Макфакс.
Англискиот тим го контактирал Анчелоти минатата недела, но тренерот на Реал без размислување ја одбил понудата која би го направила најплатениот фудбалски тренер во светот.
Анчелоти во својата тренерска кариера ги водел Милан, Јувентус, Парма, Челзи и ПСЖ, а со Реал во финишот на сезоната се бори за трофеите во домашното првенство и во Лигата на шампиони, откако пред две недели ја освои титулата во националниот Куп.