Дик Адвокат потврди дека нема да продолжи да соработува со Холандската фудбалска асоцијација по истекот на договорот на крајот од месецот по пријателските натпревари со Шкотска и Романија.
– Пред мене се последните два натпревари. Го напуштам националниот тим. Досега на никој не кажав дека си заминувам од репрезентацијата, па не сум преговарал со други клубови. Размислувам само на претстојните два натпревари, а потоа ќе видиме што понатаму, рече Адвокат.
Тој во мај го наследи отпуштениот Дани Блинд, но со четири победи од пет меча не успеа да ја однесе Холандија на Светското првенство во Русија.
Во текот на својата долга тренерска кариера Адвокат беше селектор и на Белгија, Србија, Јужна Кореја, Русија, Обединетите Арапски Емирати, а беше тренер во ПСВ Ајндховен, Глазгов Ренџерс, Борусија Менхенгладбах и Сандерленд.