Ерик Абидал летово ќе ја напушти Барселона, откако управата на клубот не му понуди продолжување ан соработката.
Абидал во финишот на сезоната се врати на теренот по трансплатацијата на црниот дроб, која му направи проблеми од 2011-та година кога му беше констатиран тумор.
“Јас би сакал да останам и да продолжам да играм за Барселона, но управата сакаше поинаку и морам да ја почитувам нивната одлука. Се надевам дека еден ден ќе се вратам бидејќи овој клуб е посебен за мене” – изјави Абидал.
Искусниот 33 годишен поранешен репрезентативец на Франција дојде во Барселона од Лион во 2007-та година и со Каталонците освои четири титули во Примера и по два трофеи во Лигата на Шампионите, клупското светско првенство, европскиот Суперкуп и шпанскиот кралски куп. За Франција, одигра 61 натпревар.