Специјалниот претставник на ЕУ на Косово Самуел Жбогар денеска изјави дека одлуката на косовската Влада да ја забрани посетата на службеници од Белград на Косово не е најдобра, како и дека е резултат на нервоза на двете страни, јави Танјуг.
Жбогар оцени дека е претерано да се забранат сите посети на српски официјални претставници на Косово, за време на изборите, бидејќи во интерес на сите е што повеќе луѓе да излезат на избори.
Според специјалниот претставник на ЕУ одлуката на владата во Приштина да ја забрани посетата на службеници од Белград е резултат на нервоза на двете страни, како и дека не е добро таа одлука да остане на сила месец дена.
Жбогар во однос на најавата на Белград дека ваквата одлука на косовските власти може да го загрози дијалогот Белград-Приштина, изјави дека во тој однос и Белград покажува нервоза.