Утре Европската комисија ќе ја разгледува новата стратегија за проширување на ЕУ, каде што ќе бидат воспоставени прецизни рокови за можен напредок на земјите кандидати.
Имено, 12 членки на Унијата – Австрија, Чешка, Естонија, Унгарија, Ирска, Италија, Литванија, Латвија, Малта, Полска, Словенија и Словачка – бараат чекор понатаму и предлагаат редовни годишни самити со лидерите на Албанија, Босна и Херцеговина, Косово, Македонија, Црна Гора и на Србија.
Освен тоа, тие предлагаат и укинување на роамингот пред нивното пристапување во Унијата.
„Ова се мерки што нас ништо не нè чинат, а имаат огромно политичко влијание и би го подобриле имиџот на ЕУ во регионот“, се наведува во предлогот.