Државната изборна комисија на Црна Гора денеска соопшти дека на претседателските избори на 7 април ќе учествуваат само двајца кандидати, досегашниот претседател Филип Вујановиќ, кој е кандидат на владејачката Демократска партија на социјалистите и опозицискиот кандидат Миодраг Лекиќ.
Рокот за поднесување на кандидатури истече на полноќ. Третиот кандидат за учество во претседателската трка, кандидатот на Позитивна Црна Гора Раде Бојовиќ, не успеа да ја добие неопходната поддршка, пренесува Танјуг.
Според црногорскиот Устав кандидатот за претседател треба да собере потписи од најмалку 1,5 проценти од гласачите или 7.710 потписи.
Немањето на трет кандидат значи ддека новиот претседател на Црна Гора ќе биде избран на 7 април.