Српскиот претседател Александар Вучиќ изјави дека очекува релевантните обвинители да ја следат вечерашната емисија во која ќе бидат презентирани докази за тоа што се подготвува за протестот во сабота и кој учествува во подготовката на пучот и нагласи дека нема да има заштита и дека сите ќе одговараат согласно законот.
„Вечерва ќе ја гледам колку што можам. Сосема сум сигурен дека и надлежните обвинители ќе ја следат емисијата и соодветно ќе реагираат, согласно законот. И тоа го очекувам“, нагласи Вучиќ.
Вака тој одговори на прашањето што ќе се случи ако се утврди автентичноста на сите снимки што ќе бидат прикажани вечерва за тоа кој и како го подготвува државниот удар.
Вучиќ истакна дека нема да има заштитени само поради нечие име и презиме.