Потпретседателот на владата на Србија, Александар Вучиќ изјави дека Белград е благодарен на Русија за политичката поддршка и вложување, но дека патот на Србија е кон ЕУ.
-Убеден сум дека мојот век на траење не е долг, но за тоа време ќе се обидам да направам се што можам за мојот народ-изјави Вучиќ и додаде дека откако ќе поминат 18 години од војна, луѓето размислуваат рационално, разумно и посериозно, со помалку страст, емоција и омраза.
Според неговите зборови Србија и Хрватска многу нешта пропуштиле и добро е што и двете држави се залагаат за да ги унапредат односите, политичката и економската соработка.
Тој додаде дека го почитуваа тоа што шефот на Хрватска, Иво Јосиповиќ и поранешниот претседател на Србија, Борис Тадиќ имаа најдобри можни односи, но Србија од тоа немала никаква корист, ниту па Хрватска.
Елена Георгиевска