Припадници на Одделот за внатрешна контрола на српското МВР ја приведоа полициската службеничка Ѓ.П. (45) поради сомнение дека од декември 2022 година до август минатата година извршила шест кривични дела злоупотреба на службената положба.
„Врз основа на фалсификувани документи и невистинити податоци овозможила издавање биометриски пасоши за шест лица кои овие документи ги користеле за непречено движење бидејќи им бил забранет влез во земјите од Шенген зоната“, извести српската полиција.
На осомничената и е одредена мерка притвор до 48 часа и со кривична пријава ќе биде изведена до надлежното обвинителство, се наведува во соопштението на МВР.