Во Жупанскиот суд во Загреб денеска почна уште едно судење на поранешниот премиер и лидер на ХДЗ Иво Санадер и другите обвинети за малверзации за продажбата на деловна зграда на владата по превисока цена.
Санадер прво ја негираше вината, додека сопственикот на синџир на месарници и поранешен пратеник на ХДЗ во Саборот Стјепан Фиолиќ ја призна вината уште за време на истрагата, потврдувајќи дека зградата била продадена по повисока цена и оти 17 милиони куни (2,23 милиони евра) ги земал Санадер.
Со зделката државната каса била оштетена за најмалку 26,4 милиони куни (2,47 милиони евра).
Санадер веќе е осуде на 10 години затвор поради воено профитерство и за земање мито за преземање на нафтената компанија ИНА од страна на унгарскиот МОЛ, а му се суди и за коруптивната афера Фими медија.