Во Турција рекордни над 50.000 новозаразени со коронавирус

Од:

Турција евидентираше над 50.000 нови случаи на коронавирус за еден ден, што претставува највисоко ниво од почетокот на пандемијата, јави ДПА. Министерството за здравство доцна синоќа соопшти за вкупно 54.740 новозаразени со коронавирус и 276 смртни случаи за еден ден.

Земјата со 84 милиони жители се бори да спречи зголемување на инфекциите, откако во март беа олабавени рестриктивните мерки, потсетува германската агенција.

Најавени се построги мерки, како што е полициски час за време на викенд, во деловите со голем број новозаразени, вклучително и Истанбул и главниот град Анкара.

Турското здружение на лекари (ТТБ) ја обвини администрацијата на претседателот Реџеп Тајип Ердога за зголемениот број нови случаи. Ердоган беше критикуван, меѓу другото, за одржување на масовни митинзи во затворени сали и покрај брзото ширење на вирусот. Претседателката на ТТБ Себинем Корур Финчанчи минатата недела предупреди дека болниците се преполни.

Вкупниот број на случаи надмина 3,6 милиони од минатиот март, додека бројот на починати е скоро 33.000.

Националната кампања за вакцинација со употреба на Синовак започна на 14 јануари. Оттогаш се администрирани повеќе од 18 милиони дози од вакцината против Ковид-19.

Би можело да ве интересира

Клуге: Пандемијата не е завршена, вакцинацијата е клучна

Ана Ололовска

Атал: Франција воведе казна од 1.500 евра за непочитување на задолжителниот карантин

Ана Ололовска

Моравиецки: Полска сака до 10 мај да ги регистрира за вакцинирање сите возрасни граѓани

Ана Ололовска

Селф тестовите од денеска задолжителни за 900.000 вработени во различни сектори во Грција

Ана Ололовска

Заморени од рестрикциите Италијанците го чекаат враќањето на нормалниот живот

Ана Ололовска

Фиџи воведе карантин откако по една година е регистриран прв случај на Ковид-19

Ана Ололовска