Лидерот на Алијансата за иднина на Косово Рамуш Харадинај изјави на прес-конференција на која учествуваа и лидерите на Самоопределување и Иницијатива за Косово, дека протестот што опозицијата го најави за денеска е одложен, пренесува РТК2.
Приштинските медиуми шпекулираат дека таквата одлука дошла по најавите дека пратеничката Доника Кадај Бујупи би можела од Алијансата да премине во редовите на Самоопределување.
Харадинај не ја потврди на присутните претставници на медиумите информацијата дали Бујупи ја напуштила неговата партија, но изјави оти протестот е одложен, пренесе Танјуг.
– Најавениот протест го одложуваме за некој друг датум. Причината е што Косово е во тешка ситуација, а уште повеќе таа ситуација ја отежнуваат два штетни договори за Косово, додаде Харадинај.
Лидерот на Иницијатива за Косово Фатмир Љимај додаде дека опозицијата заеднички донела одлука за одложување на протестот.