Во истанбулскиот суд денеска почна процес против 225 лица, кои учествуваа во протестите во паркот Гези, во јуни минатата година.
Против 225 демонстранти се покренати повеќе обвиненија, меѓу кои за нарушување на законите за извршување демонстрации, нанесување штети на државна сопственост, учество во незаконски демонстрации, заштита на криминалци, нанесување штети во храм и други.
Во обвинителниот акт е посочено, дека демонстрантите пиеле алкохол во истанбулската џамија, во која била укажана помош за ранетите демонстранти.
Антивладините демонстрации ја потресоа Турција во јуни по грубата интервенција на турската полиција врз демонстрантите, кои протестираа во Истанбул против владиниот проект, што предвидуваше сечење на дрвјата во паркот Гези. Петмина демонстранти го загубија животот за време на протестите.