Грчките власти денеска соопштија дека во полициската станица во градот Итеа, околу 180 километри западно од Атина, e пронајден сомнителен пакет, кој би можел да содржи бомба.
Во соопштението од полицијата се наведува дека експертите за неутрализирање на бомби набрзо ќе го прегледаат сомнителниот пакет, на кој пишува дека содржи книги со верска тематика.
Милитантните и анархистичките организации во Грција последните години извршија повеќе напади со пакет-бомби. Една пакет-бомба беше испратена и до кабинетот на германската канцеларка Ангела Меркел.