Секој четврти тест за Ковид-19 направен во Бугарија во изминатите 24 часа бил позитивен, ова го покажуваат податоците на здравствените власти во државата.
Во изминатото деноноќие во земјата се заразиле 395 лица. Бројот на хоспитализирани пациенти, исто така е во пораст и достигна -1.500 или двојно повеќе отколку од крајот на септември.
За последните 24 часа, скоро 25 отсто од тестовите се позитивни, во државата од вирусот починале 18, а излекувано е 31 лице.
Најмногу новозаразени се регистрирани во главниот град Софија – 145, а на второ место е Сливен со 84 нови случаи.
Бугарските медиуми дознаваат дека капацитетите во болниците ширум државата се исполнуваат и дека доколку бројот на новозаразени расте со овој интензитет можно е да нема доволно место за згрижување на пациентите со потешки симптоми.