Искуствата на Јапонија во превенција на природните катастрофи ќе бидат презентирани на дводневниот семинар насловен „Западен Балкан, работилница за управување со ризик од поплави 2019“, кој ќе се одржи утре и задутре во Софија.
Домаќин на собирот е Министерството за внатрешни работи на Бугарија, а коорганизатори се бугарското Министерство за надворешни работи и Амбасадата на Јапонија во таа земја.
На собирот ќе присуствуваат експерти за превенција на катастрофи од министерствата и државните агенции од Северна Македонија, Албанија, БиХ, Косово, Србија и Црна Гора.