Министрите за надворешни работи на Турција, Романија и Полска, денеска ќе одржат средба во Анкара со цел политичко-воени консултации, соопшти турското Министерство за надворешни работи, јави агенцијата Анадолија.
– На средбата ќе се оценува исходот од состанокот на министрите за надворешни работи на НАТО, кој беше одржан во Вашингтон на 4 април 2019 година, по повод 70-годишнината на НАТО, и ќе бидат разгледани и подготовките за самитот на лидерите кој ќе се одржи до крајот на оваа година, се вели во соопштението на Министерството.
Во документот се додава и дека турскиот министер за надворешни работи Мевлут Чавушоглу, заедно со неговиот романски колега Теодор Малескану и полскиот колега Јацек Чапутович, ќе разговараат и за соработката во областа на одбраната и безбедноста, јави Анадолија.