Владата на премиерот Андреј Пленковиќ го преживеа гласањето за доверба во хрватскиот Сабор.
Хрватскиот Сабор има 151 пратеник, а од 140 присутни, 64 гласаа за, а 76 пратеници против.
Опозицијата предводена од СДП побара гласање за доверба на владата на Пленковиќ, по апсењето на Вили Берош додека беше министер за здравство, а поради корупцискиот скандал во здравството.
Според неофицијални информации на хрватските медиуми, гласањето за избор на 10 уставни судии е одложено за утре.
Претходно денеска беше неизвесно и дали пратениците во хрватскиот Сабор воопшто ќе гласаат за доверба на владата на премиерот Пленковиќ.
Највлијателната опозициска Социјалдемократска партија (СДП), која поднесе барање за гласање доверба на Владата, побара пратениците денеска да гласаат само за избор на судии, а гласањето за доверба на извршната власт да се одложи.