Во тешка сообраќајна несреќа што се случи во Карловац, загинаа две лица, меѓу кои и поранешниот хрватски фудбалски репрезентативец Никола Покривач, јавуваат хрватските медиуми.
Полицијата во краткото соопштение наведува дека несреќата се случи на обиколницата Турањ и дека во неа учествуваа четири патнички возила. Три лица се пренесени на лекување во медицинска установа.
View this post on Instagram
Во автомобилот со него беа и неговите тројца соиграчи од локалниот четвртолигаш Војниќ за кој настапуваше по завршувањето на професионалната кариера, а од тројцата повредени во несреќата, двајца се фудбалери на овој клуб.
Вториот загинат беше во друго возило, а „Јутарњи“ пренесува дека ова лице било во „ауди“ со австриски таблички, кое претекна и директно удри во „бмв“ во кое беа играчите.
Во „аудито“ беа и сопругата и ќерката на починатиот Покривач, изјавија очевидци за „Јутарњи“.
– Тој човек ме престигна, а потоа сакаше да го престигне и човекот напред. Како да се катапултираше, наиде бмв и тие директно се судрија. Тој човек беше придружуван од сопругата и две деца. Тие видеа се. Истрчав до бмв-то, отидов до вратата и погледнав внатре, но видов дека сите се… – изјави еден од сведоците.