Вршителот на должноста министер за економија Никола Стојанов ги отфрли обвинувањата дека владата на Бугарија прави пресврт кон руската компанија Газпром, јави дописникот на МИА од Софија. Стојанов, кој е дел од кризниот штаб на бугарската влада за справување со снабдувањето со гас, прецизираше дека нема да има компензација за бизнисот поради високите цени без функционално Народно собрание.
„Диверзификацијата за нас значи да ги задржиме сите опции отворени, да преговараме, да испорачаме преку сите можни рути. Тој најави дека преодната влада подготвува измени на законите за да се сменат овие нарушувања на пазарот штом има активен бугарски парламент. Во моментов, според него, тој што работи на струја е поконкурентен од оној што работи на плин.
Прозападната партија „Демократска Бугарија“ повторно упати обвинувања за енергетската политика на преодната влада на нивната земја. Тие демантираа дека цените на руски Газпром се најдобри, а во денешното посебно обраќање порачаа дека тоа не е точно.Според нивните експерти, испораките на гас од Азербејџан се многу поисплатливи бидејќи зависат од цената на нафтата. Според „Демократска Бугарија“, преодната влада на Галаб Донев се покажа како главно оружје на Кремљ во хибридната војна во Бугарија и авангарда во војната на Владимир Путин со демократскиот свет. Според коалицијата „Демократска Бугарија“, враќањето на договорот на Бугарија со Газпром ќе ги елиминира шансите нивната земја да бара казни поради фактот што Гаспром еднострано ги промени условите за плаќање на гасот од евра во руски рубљи и го запре испораката на гас за Бугарија. На крајот на јули редовната влада на Бугарија предводена од премиерот Кирил Петков договори осум цистерни со течен гас, но по доаѓањето на преодната влада на Галаб Донев, државата имаше само една танкер, а министерот за енергетика вчера објави дека Бугарија ја разгледува опцијата за враќање на договорот со руски Газпром.
Во последните неколку недели во Софија се одржуваат протести пред зградата на претседателската администрација поради обидот да се врати енергетската ориентација на Бугарија кон Русија.
Извор: МИА