ВИДЕО: Жестока вербална пресметка меѓу Дачиќ и косовската делегација на Советот за безбедност на ОН

Од:

Српскиот министер за надворешни работи, Ивица Дачиќ, по завршување на седницата на Советот за безбедност на Обединетите нации, имал жестока вербална пресметка со делегацијата на Приштина, пренесе „Танјуг“.

Пред да излезе од салата, Дачиќ ја продолжил расправијата со амбасадорката на Косово во ОН, Влора Читаку, поради нејзиниот говор за угнетувањето на Албанците на Косово и Метохија, како и за прославата на 20-годишнината од, како што рекла, ослободувањето на КиМ.

Расправијата ја пренесе токму Читаку, која на својот профил на „Твитер“ објави дека по завршување на седницата Дачиќ ги навредувал членовите на косовската делегација. Во еден момент на видеото се слуша како Дачиќ им вели: „Вие сте глупави колку што сте тешки“.

„По денешната седница на СБ на ОН, додека разговарав со делегациите на САД и Велика Британија, српскиот министер за надворешни работи дојде до мене викајќи и ме навредуваше мене и косовската делегација“, објави Читаку на „Твитер“.

„Тие со коишто седиш се ваши колонизатори“, рекол Дачиќ, напиша Читаку.

Овој коментар на Дачиќ се однесувал на говорот на Читаку, а во кој рекла дека во случајот на Србија и Косово станува збор за деколонизација.

Српскиот министер рекол дека бил фрапиран од оваа изјава.

„Колку некој треба да нема срам за во СБ пред големи колонијални сили кои имале свои колонии ширум светот, и пред африкански, јужноамерикански и азиски земји кои се ослободиле од колонијализмот, да користи еден таков израз. Тоа е чист безобразлук“, рекол Дачиќ.

Ја повикал Читаку да му докаже дека албанските споменици на Косово постоеле и во 13 и 14 век.

„Кога ќе ми донесе еден историски споменик од албанско потекло од 13 или 14 век од Косово. Кога ќе ми покаже еден споменик од тој период, тогаш би можел да кажам дека Албанците биле тука и тогаш. Но, да се каже дека Србите се колонизатори, дека владееле, а не живееле на Косово, тоа е безобразно“, рекол Дачиќ.

Би можело да ве интересира

Експлозија и пожар на факултет во Белград

Ана Ололовска

Германија со 500.000 евра помош за косовските безбедносни сили

Македонец шверцувал антички артефакти во Србија стари 2500 години

А1он

Над 115 илјади Косовци годинава ќе гласаат по прв пат

А1он

Палмер: Новата влада во Приштина мора да биде подготвена да ги укине таксите

А1он

ВИДЕО: Децата во Албанија учат дека Косово е Србија