Бројот на загинати во силниот земјотрес што го погоди источниот дел на Турција синоќа се искачи на 20 и 920 повредени, соопштија официјалните лица.
Elazığ'ın Sivrice ilçesinde meydana gelen 6,8 büyüklüğündeki depremden ilk görüntüler.#Elazığ #deprem pic.twitter.com/5Oy2kExzx2
— İhlas Haber Ajansı (@ihacomtr) January 24, 2020
Земјотресот бил со јачина од 6,9 степени и почувствуван во соседните земји, Сирија, Либан и Иран.
Според турската агенција за управување со вонредни состојби, 16 лица загинале во Елазиг, а уште четири во соседната провинција Малатија.
Повредените биле згрижени во болниците во регионот.
Министерот за внатрешни работи Сулејман Сојлу изјави дека спасувачите трагаат по 30 лица за кои се верува дека се под урнатините.
Дирекцијата за управување со вонредни ситуации (АФАД) соопшти дека епицентарот на потресот е регистиран во местото Сивриџе, недалеку од градот Елазиг.
АФАД формираше кризен штаб, а од бројни турски градови во Елазиг се упатени голем број спасувачки служби.
Земјотресот се почувствува и во околните градови Адана, Хатај и Османије, дури на подрачјето на северните делови на Сирија и Ирак.
Од АФАД исто така е потврдено дека по овој земјотрес се регистрирани уште 60 дополнителни потреси со послаб интензитет, меѓу кои осум посилни со интензитет од 4.0 по Рихтер.
Претседателот на Големото народно собрание на Република Турција Мустафа Шентоп изјави дека по вечерашниот земјотрес сите надлежни институции и служби се на терен.
Во регионот погоден од земјотресот на граѓаните им се дадени на располагање јавните домови, спортските сали, училишта и други објекти кои можат да послужат за привремено сместување, јави Анадолија.