Неколку реки се излеаја во северозападниот дел на Босна и Херцеговина, додека одроните и поројните поплави го отежнаа сообраќајот на неколку патишта, соопшти денеска Цивилната заштита на Федерацијата Босна и Херцеговина.
Реките, вклучително и Уна, се излеаја во областа на Бихаќ, Босанска Крупа, Цазин, Кулен Вакуф, Кључ и Сански Мост. Најлоша е состојбата во Кулен Вакуф и Сански Мост, каде водата навлезе во станбените згради, додека во другите области се претежно поплавени патишта и земјоделски површини, соопштија претставници на Цивилната заштита на Федерацијата на Босна и Херцеговина.