Снимките од воздух покажуваат како изгледа турскиот град Елазиг по катастрофалниот земјотрес со јачина од 6,8 степени по Рихтер.
Уништени се бројни згради, а загинаа 20 лица, од кои 13 во Елазиг. Најмалку илјада луѓе се повредени.
Епицентарот на земјотресот што предизвика голема материјална штета е регистриран во провинцијата Елазиг, околу 550 километри источно од главниот град Анкара.
По овој земјотрес, регистрирани се уште 60 последователни земјотреси со помал интензитет.