Директорот на Канцеларијата за Косово, Петар Петковиќ на прес-конференција рече дека aлбанските медиуми од Косово објавиле срамна снимка на која Ненад Орловиќ седи во просторијата каде што го испрашуваат гол до половина, а главата му е покриена со црна капа.
Косовската полиција завчера околу 10 часот го уапси Ненад Орловиќ од Косовска Митровица. Орловиќ е уапсен на своето работно место во автоперална, во близина на автобуската станица.
Инаку, тој е вработен во градското комунално претпријатие, а во приватно време работи во перална. На видеото од безбедносната камера може да се види како специјалци со четири џипа го опкружуваат Ненад, кој тогаш е без маица. Полицајците вперија оружје кон Орловиќ, а потоа брутално го соборија на земја.