Надзорните камери во Бродарица го снимија моментот на земјотресот, што утрово ја погоди областа на Шибеник. Според снимките, потресот траел десетина секунди и се почувствувал силно.
Земјотресот со јачина од 4,7 степени според Рихтер бил почувствуван во Шибеник и околината денеска наутро, во 5 часот и 59 минути, објави Сеизмолошката служба на Република Хрватска.
Епицентарот бил на 13 километри југоисточно од Шибеник.
Според хрватските медиуми, нема повредени, а единствениот пријавен случај на материјална штета досега е забележан во Врпоље, каде парче од карпа паднало во дворот на куќата и удрило во автомобил.