Албански граѓани се собраа во центарот на Тирана на протест против српскиот претседател Александар Вучиќ, кој е во градот како дел од иницијативата „Отворен Балкан“. Тие, исто така, поставија бина за демонстрантите во центарот на Тирана.
Последните информации кои ги пренесуваат албанските медиуми се дека демонстрантите ќе бидат поделени во две групи во обидат да ја пресечат колоната во која е српскиот претседател.
Една група, од илјадници демонстранти, протестира пред зградата на Владата во Тирана, која е недалеку од српската амбасада, односно на само неколку минути пешки од хотелот во кој е предвидено да се смести српската делегација.
Другата група планира да го пресече патот до колоната од аеродромот каде што е претседателот Вучиќ.
За одржување на редот во Тирана се распоредени 2.000 полицајци, додека на покривите на зградите се распоредени снајперисти.