Силно невреме, со ветрови кои кршат гранки и откорнуваат покриви од куќите го зафати регионот. Град и снег паѓаа во Хрватска, а силното невреме највеќе го почувствуваа жителите на Загреб и Риека.
Во главниот град ветрот со брзина од 100 километри на час корнеше дрвја.
Црвен метеоаларм е најавен и за во Црна Гора, а во Србија има за 15 степени пониски температури.
Силно невреме и обилен дожд има и во делови на Србија, каде силниот ветер откорнуваше и покриви. Невремето најпрво ги зафати Војводина и Белград.
Vetar nosio krovove u Kaću, nevreme i na Novom Beogradu#rtsvesti https://t.co/fk8R3YAA1C pic.twitter.com/WYPf5tWHq0
— RTS Vesti (@RTS_Vesti) February 4, 2020
Температурите за само неколку часа драстично опаднаа. Во Лозница само за еден час температурата опаднала за 11 степени, во Нови Сад за осум степени, а во Белград за седум степени.
Заладувањето доаѓа по невообичаено високите температури коишто го зафатија регионот во изминатиов период.