ВИДЕО: Се урна зграда во Турција, десетина луѓе се заробени под урнатините

Откако се урна деловна зграда во Малата во источна Турција, десет лица останаа заробени во урнатините, а 13 се спасени, соопштија спасувачите.

#news
Building collapses in #Turkey – dozens trapped

A two-story building collapsed in eastern Turkey's Malatya on Tuesday. Search and rescue efforts are ongoing to pull some 20 people believed to be trapped under the rubble. pic.twitter.com/dx4CgDVuSq

— RawNews1st?? (@Raw_News1st) November 9, 2021

„Дваесетина луѓе биле во зградата во моментот на несреќата, нешто пред 17 часот по локално време“, изјави гувернерот на провинцијата Малатија, Ајдин Барус.

Повеќе од два часа по почетокот на спасувачките операции, десетина луѓе се уште се заробени во урнатините, јавува ТВ каналот Хабертурк.

Тринаесет лица се спасени и хоспитализирани, според владината агенција за управување со природни катастрофи.

„Операциите за пребарување и спасување продолжуваат“, напиша на Твитер Фахретин Алтун, одговорен за комуникации на турското претседателство.

Двајца од повредените се во тешка состојба.

Малатија е град со 450.000 жители, на 500 километри по воздушна линија од Анкара.