Албанскиот премиер Еди Рама направи спектакл за италијанскaта премиерка Џорџа Мелони на форумот во Абу Даби. Мелони наполни 48 години, а во Абу Даби ја чекаше роденденско изненадување, кога Рама и подари подарок. Како што може да се види на видеото кое кружи на интернет, Еди Рама клекна пред неа и и подари подарок.
Edi Rama – Giorgia Meloni – Abu Dhabi – Birthday gift pic.twitter.com/GvGktJu1c9
— News video (@Newsvideo13) January 15, 2025
Малони го прегрна и со двете раце го прифати подарокот. Во кутијата имаше шал, а Рама објаснил дека е направен од италијански производител кој се преселил во Албанија и станал албански државјанин.
Потоа и го стави шалот на главата, додека камерите снимаа се.
Рама се обиде и да ги натера новинарите заедно да испеат роденденска песна за Мелони.
„Не ги засрамувајте“, одговори Мелони.
Инаку, на овој самит, Италија, Албанија и Обединетите Арапски Емирати во средата потпишаа договор вреден најмалку една милијарда евра за изградба на подморска интерконекција за обновлива енергија преку Јадранското Море.