Италијанскиот премиер Џорџa Мелони денеска на средба со црногорскиот премиер Милојко Спајиќ во Рим изјави дека е уверена оти Црна Гора ќе стане 28-ма членка на Европската Унија за време на италијанското претседавање со ЕУ, во првата половина на 2028 година.
Спајиќ е во прва официјална посета на Италија на покана на Мелони, а на нивната средба било констатирано дека допрва претстојат најдобрите денови за соработка меѓу Црна Гора и Италија, а соработката во рамките на ЕУ ќе даде дополнителен поттик за зајакнување на севкупните односи.
На средбата се разговараше за заеднички проекти, соработка во областа на инфраструктурата, одбраната и енергетиката, подобро поврзување и поддршката на Италија на европскиот пат на Црна Гора.