[staff name=”Eлена Георгиевска” position=”Автор”][/staff]
Граѓанското здружение „Полјаци за српско Косово“, од Вршава и „Пријатели на србите на Косово“ од Прага, наредниот викенд ќе организираат голем протест поради независноста на Косово.
-Очекуваме неколку илјади луѓе да присуствуваат на протестот кој ќе се одржи под слоганот „Косово е српско“. Протестот ќе започне од центарот на Варшава, па до седиштето на Европската комисија. Секоја година во Полска се организираат вакви протести, но овој во февруари е централен и најголем – изјави претставник на здружението од Варшава, Марек Скавински.
Помеѓу организаторите на протестот во Прага е и познатиот режисер и автор на филмот „Украдено Косово“, Вацлав Дворжак. Тој истакна дека Чесите како народ никогаш не се согласиле со насилното одземање на територијата на Србија и со едностраното прогласување на независноста на Косово.
Претставниците на овие здруженија од Варшава и Прага, минатата година во декември престојуваа во Косово, а посетија и повеќе повратнички српски села како и Србите на барикадите на северно Косово и Метохија.
Протестот во Варшава ќе се одржи во сабота, а во Прага во недела.