Пред почетокот на преговорите, на руските и на украинските преговарачи им се обрати турскиот претседател Реџеп Таип Ердоган.
Ројтерс пренесува дека тој рекол дека се надева оти состанокот ќе биде корисен за вклучените земји и за целиот регион, дека Турција покажала фер став кон конфликтот и дека договорениот мир нема да има губитници. Тој повика на итен прекин на огнот.
Тој рече дека Турција ги гледа и Путин и Зеленски како вредни пријатели. Тој додаде дека напредокот во преговорите во Истанбул може да го отвори патот за средба меѓу двајцата лидери на Украина и Русија, на која Турција е исто така подготвена да биде домаќин.