Во врска со последниот настан со нападот врз полициската станица во Гошинце, спикерот на косовскиот парламент Кадри Весели изјавил дека не посакува Косово да се меша во внатрешни работи на Македонија. Тој додал дека Косово треба да го чува пријателството со своите соседи, како што е Македонија, пренесува онлајн изданието на приштинскиот весник „Газета експрес“.
– Реално Република Македонија е соседна земја со која сакаме да имаме добри меѓусоседски односи, да немаме недоразбирања, да не се мешаме во нејзините внатрешни работи. Ние посакуваме Албанците кои сочинуваат дел од популацијата во Македонија да се интегрирани во оваа држава во евроатланската интеграција, изјавил Весели, кој е поранешен шеф на косовската тајна служба.
На новинарско прашање во врска со Специјалниот суд, Весели одговорил дека сеуште нема одреден датум кога тој ќе се формира, но оти Косово треба да има политички консензус и за го зачува партнерството со меѓународната заедница.