Полициијата го реши случајот со кражбата на два килограми злато и 280.000 евра од сеф во зградата на криминалистичката полиција пред две недели и го приведе виновникот, изјави денеска хрватскиот министер за внатрешни работи Влахо Орепиќ.
Тој наведе дека сторителот е уапсен утрово, но не го соопшти неговото име.
Хрватските медиуми објавија дека е уапсен шефот на Службата за борба против организираниот криминал Жељко Долачки, во чиј кабинет се наоѓаше ограбениот сеф.
Според медиумите Долачки ја искористил службената положба за да ги присвои златото и еврата, конфискувани при истраги и пријавил дела сефот е ограбен.
По кражбата Долачки беше отстранет од работа и против него почна истрага, а директорот на полицијата, началникот на загрепската полиција и уште двајца шефови поднесоа оставки.