Грчката полиција уапсила седум Албанки кои година и пол краделе во супермаркетите во Атина.
Полицијата ги објави фотографии и идентитет на уапсените, кои „криминалната активност ја почнале од почетокот на 2016 година“.
– Начинот на кој вршеле кражби бил многу софистициран, употребувајќи апарати за деактивирање на механизмот против кражби. Исто така користеле и посебни чанти обвиткани со алуминиумска фолија,со цел да не бидат откриени од системот за аларм, се наведува во полициското соопштение.
Во акцијата запленети се повеќе од четири илјади парчиња облека, над илјада апарати за домаќинство,како и други производи.