Поранешниот декан на Правниот факултет во Сплит и член на Државниот судски совет, Борис Буклијаш денеска е уапсен заедно со уште петмина сплитски бизнисмени поради злоупотреба на службената положба.
Буклијаш (67) на почетокот од јули годинава беше обвинет за низа кривични дела поврзани со злоупотреба на положбата и овластувањата.
Се оценува дека штетата што ја нанел со своите активности на Правниот факултет во Сплит е поголема од 1,6 милиони куни (околу 210.000 евра).
Според Државното обвинителство на Хрватска, Буклијаш е обвинет и за фалсификување на патни налози и давање на факултетски пари на бизнисмените.